छत्तीसगढ़िया क्रांति सेना के जिला बैठक हुई संपन्न, विभिन्न मुद्दों पर की गई चर्चा

कोरबा 12 जुलाई (वेदांत समाचार) कोरबा जिला म दिनाँक 11/07/2021 के संझा 6 बजे छत्तीसगढ़िया क्रांति सेना के प्रदेश पदाधिकारी मन के आगमन होइस अउ जिला के बैठक सूर्यवंशी समाज के भवन TP नगर कोरबा म छत्तीसगढ़ महतारी के आरती करते हुए छत्तीसगढ़ राजगीत के बाद बैठक सुरु होइस,जेमा निम्न बिंदुवार चर्चा होइस जाने-

1)कोरबा जिला के प्रत्येक ब्लॉक के वार्ड अउ गांव म जाके संगठन के विस्तार करना हे, जेखर जिम्मेदारी सौंपी गिस।
2)संगठन ल मजबूत करे बर विशेष सुझाव प्रदेश अध्यक्ष जी के उद्बोधन मिलिस।
3)प्रदेश अउ कोरबा जिला म जिस तरीके से कांग्रेस सरकार अउ एखर परदेशिया नीति द्वारा छत्तीसगढ़िया क्रांति सेना के हमर सेनानी अउ आम छत्तीसगढ़िया ऊपर फर्जी FIR कर जेल भेजे के कृत्य के जोरदार विरोध होइस।
4)जिला कोरबा म बालको वेदांता अउ ब्लैक स्मित कंपनी द्वारा पॉवर प्लांट से निकले राखड़ ल पूरा जिला म जहाँ तहाँ फेंक जिला ल प्रदूषित करत हे, जेखर जोरदार विरोध होइस।
5)कटघोरा अनुविभागीय छेत्र अंतर्गत अन्य प्रान्त से आये 23 मजदूर मन के फर्जी जाति प्रमाणपत्र बनाएके,अउ फर्जी जाति प्रमाणपत्र के आधार म लगभग 500 एखड़ रायगढ़ ज़िला अउ कोरबा जिला म खरीद के एसीबी कंपनी द्वारा उपयोग म लाये के विरोध करते हुए जिला प्रशासन ल कार्यवाही करे के बात होइस।
6)रिसदी म देबू कंपनी द्वारा किसान मन के जमीन ल हथियाये के प्रयास राजस्व मंत्री के सांठगांठ से होवत हे, एखर विरोध भी करे गिस।
7)जिला कोरबा के विभिन्न छेत्र म होये जनांदोलन म फर्जी FIR म जेल गे सेनानी के सम्मान प्रदेश पदाधिकारी द्वारा होइस।

बैठक म उपस्थित हमर प्रदेश संयोजक गिरधर साहू ,प्रदेश अध्यक्ष अमित बघेल,प्रदेश उपाध्यक्ष यशवंत वर्मा ,प्रदेश मंत्री दिलीप मिरी,रइपुर ग्रामीण अध्यक्ष दिनेश मण्डल ,कोरबा जिला संयोजक सुरेंद्र राठौर ,जिला सह संयोजक जैनेन्द्र कुर्रे, जिला अध्यक्ष अतुलदास, जिला उपाध्यक्ष सुरजीत सोनी जी,बालको इकाई से राजेश साहू, दीपका छेत्र से उमा गोपाल, सुरेश पटेल,कुसमुंडा मजदूर संगठन से हेमन्त नामदेव,विनोद सारथी,नरेश महंत,छत्तीसगढ़िया महिला क्रांति सेना से जिला अध्यक्ष विमला ध्रुव,ममता देवांगन,रामकली जी। व हमर मार्गदर्शक संतोष शुक्ला,साथ ही सैकड़ों के संख्या म हमर सेनानी उपस्थित रहिस।